Мадридда фермерлар намойишга чиқди
ASTANA. Kazinform – Чоршанба куни Испания пойтахтининг Пуэрта-де-Алькала майдонида маҳаллий фермерларнинг норозилик митинги бўлиб ўтди. Бу ҳақда Elpais.com ёзди.
Испаниянинг турли бурчакларидан пойтахтга беш калонна билан 500 дан ортиқ тракторлар келди. Республиканинг бошқа вилоятларида ҳам фермерларнинг норозилик акциялари бўлиб ўтди.
Испания пойтахтидаги юришни Unión de Uniones аграр ташкилоти уюштирди. Акция сешанба куни тушдан кейин Қишлоқ хўжалиги, балиқчилик ва озиқ-овқат вазирлигига трактор минган фермерлар келган пайтда бошланди.
Испания телевидениеси хабарига кўра, мамлакат қишлоқ хўжалиги вазири Луис Планас Мадриддаги намойишни “тинч ва ҳеч қандай зўравонликсиз” ўтишини истаётганини билдирган.
Фермерлар икки ҳафтадан ортиқ вақтдан бери Европа Иттифоқининг экологик талаблари, бюрократия ва қишлоқ хўжалиги импортининг кучайишига қарши норозилик намойишларини ўтказмоқда.
