Мадонна реанимация бўлимида ётибди

ASTANA. Kazinform – Мадонна оғир бактериал инфекция билан касалланган ва бир неча кундан бери Нью-Йорк касалхонасининг реанимация бўлимида ётибди, дея хабар беради Kazinform Euronewsга таяниб.

Унинг менежерининг сўзларига кўра, хонанданинг аҳволи яхшиланмоқда, бироқ у ҳали ҳам шифокорлар назоратида бўлиши керак.

Касаллик туфайли 64 ёшли эстрада хонандаси мусиқа карьерасининг 40 йиллигини нишонлаш учун The Celebration дунё гастроли бошланишини кейинга қолдиришга мажбур бўлди.

Биринчи концерт 15 июль куни Ванкуверда бўлиб ўтиши керак эди. «Грэмми» эгаси ўз мухлислари танлаган энг зўр ҳитларни ижро этишга ваъда берди.