Маҳаллий аҳоли Қозоғистоннинг Бельгиядаги элчихонасига ҳамдардлик билдириш учун келмоқда
Элчихона маслаҳатчиси-вакили Асқар Абдрахмановнинг сўзларига кўра, Қозоғистон Республикаси Президенти Қасим-Жомарт Тоқаев фармони билан 2023 йил 12 июнь куни Абай вилоятидаги ўрмон ёнғинига қарши курашда 14 нафар фуқаро ҳалок бўлгани муносабати билан умуммиллий мотам куни деб эълон қилинди.
«Шу муносабат билан Қозоғистон Республикасининг хориждаги барча дипломатик ваколатхоналари давлат байроғини туширди, ҳамдардлик китобини очди, маҳаллий давлат ҳокимияти органлари, жамоатчилик ва дипломатик корпусни ушбу аянчли вазиятдан хабардор этди. Электрон почта орқали элчихонага мактублар ва одамларнинг ўзлари келяпти. Улар ҳамдардлик билдириб, тегишли эслатма қолдиряпти», – деди қозоғистонлик дипломат.
Европа Иттифоқининг Қозоғистондаги собиқ элчиси Свен-Олов Карлссон электрон мактуб йўллаган.
«Биз Қозоғистон Ҳукумати ва халқига ҳамдардлигимизни билдирамиз», – деди европалик дипломат.
Европанинг «Diplomatic world» бизнес нашри вакиллари ҳам Қозоғистоннинг Брюсселдаги элчихонасига ташриф буюрди.
Дипкорпус орасида машҳур нашр раҳбари Барбара Дитрих Қозоғистон халқининг қайғусига шерик эканини билдирди. Унинг сўзларига кўра, Европа ҳам глобал иқлим ўзгариши билан боғлиқ бўлган йирик ўрмон ёнғинлари муаммосига дуч келяпти.
Муаллиф: Ақбопе Абдрасул
