Мьянма ҳарбий суди томонидан қамоқ жазосига ҳукм қилинган Аун Сан Су Чжи афв этилди
Мьянма хунтаси мамлакатнинг собиқ демократик етакчиси Аун Сан Су Чжига қисман амнистия эълон қилди. Баёнотга кўра, бу амнистиянинг фақат бир қисми бўлиб, унга 7 минг маҳкум киради. Аун Сан Су Чжи ўзига қўйилган 19 та айбнинг 5 таси бўйича оқланди. Бироқ унинг қачон озодликка чиқиши аниқ эмас.
Мьянманинг собиқ давлат маслаҳатчиси 2021 йил бошида давлат тўнтаришидан сўнг ҳибсга олинган ва ҳарбий суд томонидан бир нечта жиноий айбловлар бўйича судланган. Шунингдек, у сайлов қонунчилигини бузганлик ва коррупцияда айбланган. Умуман олганда, 77 ёшли Аун Сан Су Чжи ўттиз йилдан ортиқ қамоқ жазосига ҳукм қилинди.
У айбловларни рад этиб, улар асоссиз эканини айтди. Тарафдорлари «хунта сиёсатчини изоляция қилиш учун ишни сохталаштирган» деб ҳисоблашади.
Мьянмадаги фавқулодда ҳолат яна олти ойга узайтирилганидан бир кун ўтиб Аун Сан Су Чжи афв этилди. Бу эса мамлакатда сайловлар ўтказиш ва фуқаролик бошқарувини тиклаш имкониятларига соя солади.
