Лукашенко ШҲТ саммитида иштирок этиш учун Астанага келди

Президент Беларуси Александр Лукашенко прибыл в Астану
Фото: belta.by

ASTANA. Kazinform - Беларусь Президенти Александр Лукашенко Шанхай ҳамкорлик ташкилоти саммитида иштирок этиш учун Астанага келди, дея хабар беради Kazinform БЕЛТА агентлигига таяниб.

Саммит доирасида Александр Лукашенконинг хорижлик ҳамкасблари билан ҳам қатор учрашувлар ва музокаралар ўтказиши кутилмоқда.

Халқаро форум доирасида ШҲТга аъзо давлатлар раҳбарлари кенгашининг мажлиси, шунингдек, кузатувчи давлатлар раҳбарлари, фахрий меҳмонлар ва халқаро ташкилотлар раҳбарлари иштирокида “ШҲТ плюс” форматидаги йиғилиш ўтказилади. Учрашувнинг мавзуси “Кўп томонлама мулоқотни мустаҳкамлаш – барқарор тинчлик ва тараққиётга интилиш” бўлади.

Бўлажак саммитда Беларусь учун асосий масала мамлакатни ШҲТга аъзоликка қабул қилиш тартибини якунлашдан иборат. Александр Лукашенко саммитдаги нутқида ташкилот фаолиятидаги энг муҳим йўналишлар ва Беларусь умумий муаммоларни ҳал қилишга тайёр бўлган ҳиссасига тўхталиб ўтиши режалаштирилган.

Давлат раҳбарлари кенгаши мажлиси иштирокчилари янги шароитда кўп томонлама ҳамкорликни мустаҳкамлаш ва чуқурлаштириш мақсадида интеграция бирлашмалари фаолиятини янада такомиллаштириш масалаларини муҳокама қилади, ШҲТ минтақасидаги долзарб халқаро ва минтақавий муаммоларни кўриб чиқади.

Беларусь ШҲТда 2010 йилдан буён мулоқот бўйича ҳамкор, 2015 йилдан эса кузатувчи сифатида иштирок этиб келади. Самарқандда Давлат раҳбарлари кенгашининг 2022 йил 16 сентябрдаги якунлари бўйича ташкилотга аъзо бўлиш тартибини бошлаш тўғрисида қарор имзоланди. Ушбу жараённинг бир қисми сифатида Беларусь 40 дан ортиқ шартномаларга қўшилди.

2023 йилда ШҲТ давлатлари ҳиссасига Беларусь умумий товар айланмасининг 70,4 фоизи, 2024 йил январь-апрель ойларида эса 71,4 фоизи тўғри келди.

Сўнгги хабарлар
telegram