10:09, 25 Сентябрь 2024 | GMT +5
Лондондаги Тауэр кўпригида ЙТҲ содир бўлди
LONDON. Kazinform - Тауэр кўприги авария натижасида бир неча соатга ёпилди, деб хабар беради Кazinform мухбири.
Воқеа жойидан олинган суратларда полиция машиналари ва тез ёрдам машинаси акс этган. Йўлнинг ёпилиши муносабати билан 42, 78 ва 343-сонли автобус йўналишлари ўзгартирилди. Гувоҳлардан бирининг айтишича, Тули кўчасида автобусларнинг узун навбати ҳосил бўлган, ҳаракат қийинлашган, пиёдалар эса саросимага тушиб кузатган.
Мегаполис полициясининг маълум қилишича, автомашина пиёда аёлни уриб юборган ва у касалхонага ётқизилган. Йўл фавқулодда хизматлар учун ёпилган.
Соат 20:00 га келиб, Тауэр-Бридж-роуд бўйлаб ҳаракат тикланди. Ҳозирча тез ёрдам хизматидан жабрланувчининг аҳволи ҳақида расмий изоҳ берилмаган.
Муаллиф: Ғалимжан Қараманули
