Лондондаги сайлов участкаси Қозоғистонда АЭС қуриш бўйича референдумга тайёргарлик кўрмоқда

ASTANА. Кazinform - 6 октябрь куни Қозоғистонда АЭС қуриш бўйича ўтказиладиган республика референдуми Буюк Британияда кеч бошланиб, кечроқ тугайди. Чунки Лондон Астана вақтидан 4 соатга ортда қолмоқда, деб хабар беради Кazinform мухбири.

376-сайлов участкаси Қозоғистоннинг Буюк Британиядаги элчихонаси биносида жойлашган. Унинг ичига референдум ҳақидаги маълумотлар ёзилган тахта ва сайлов қутиси жойлаштирилади. Комиссия аъзолари қоидаларга тўлиқ риоя этилишини таъминлайди.

Олдинги тажрибага асосланиб айтиш мумкинки, куннинг иккинчи ярмида сайловчилар сони эрталабкидан кўп бўлади. Чунки Буюк Британиянинг турли бурчакларидан тўпланган қозоғистонликлар ўша пайтгача Лондонга етиб боради.

Референдум иштирокчиларининг асосий қисмини талабалар ташкил этиши тахмин қилинмоқда. Чунки, қоида тариқасида, уларнинг фаоллиги жуда юқори. Сайлов участкасида ўз фуқаролик бурчини адо этиш учун талабалардан ташқари, Буюк Британияда вақтинча ишлаётган ватандошлар ва у ерга саёҳат қилаётган сайёҳлар ҳам боришади.

“Республика референдумига тайёргарлик кўрилмоқда. Таҳририят топшириғига эга бўлган аккредитациядан ўтган журналистларга муҳим воқеа ҳақида маълумот бериш учун тўлиқ шарт-шароит яратилади”, — дейди 376-сонли участка сайлов комиссияси раиси Руслан Карабулов.

Сайлов участкаси маҳаллий вақт билан эрталаб соат 7 да очилади, овоз бериш 20:00 гача давом этади. Шундан сўнг сайлов комиссияси аъзолари овозларни санаб чиқиш жараёнига киришади.