LIVE: Камбоджа Қироллиги Бош Вазири Хун Манетнинг Қозоғистонга расмий ташрифи
ASTANA. Kazinform - Астанада Қозоғистонга расмий ташрифи билан келган Камбоджа Қироллиги Бош Вазири Хун Манетни тантанали кутиб олиш маросими бўлиб ўтмоқда.
Жорий йилнинг 17 июлда Шанхайда бўлиб ўтган сунъий интеллект бўйича Бутунжаҳон конференцияси доирасида Президент Қасим-Жомарт Тоқаев Камбоджа Бош вазири Хун Манет билан учрашди.
Давлат раҳбари Қозоғистон ва Камбоджа ўртасидаги мустаҳкам дўстлик ва ўзаро ҳурматга асосланган шерикликни юқори баҳолади. Қозоғистон Президенти икки мамлакат ўўртасидаги савдо-иқтисодий ҳамкорликка янги туртки бериш учун катта салоҳият мавжудлигини таъкидлади.
Президентнинг сўзларига кўра, савдо айланмасини оширишнинг истиқболли соҳалари қаторига қишлоқ хўжалиги, тўқимачилик ишлаб чиқариши, туризм, қурилиш, озиқ-овқат саноати, транспорт ва логистика киради.
Бош вазир Хун Манет Камбоджанинг Қозоғистон билан муносабатларни мустаҳкамлашга қизиқишини тасдиқлади. У икки мамлакат ҳукуматлари ва ишбилармон доиралари ўртасидаги алоқаларни мустаҳкамлаш муҳимлигини таъкидлади ва қўшма лойиҳаларни ҳар томонлама қўллаб-қувватлашга тайёрлигини билдирди.
