Ливанга ҳужум: АҚШ Яқин Шарқдаги ҳарбий контингентини оширди

ASTANА. Кazinform - АҚШ Мудофаа вазирлиги матбуот котиби Патрик Райдернинг сўзларига кўра, АҚШ ҳарбий департаменти АҚШ кучларини кучайтириш учун Яқин Шарққа “кичик қўшимча контингент” жўнатмоқда. У журналистларнинг ушбу масала юзасидан аниқлик киритиш бўйича саволларига жавоб бермади. Бу ҳақда “Коммерсант” ёзган.

“Эҳтиёт чораси сифатида минтақадаги иштирокимизни ошириш учун кичик қўшимча АҚШ қўшинлари контингентини жўнатяпмиз”, - деди Патрик Райдер.

У аскарлар сони ортганми ёки ҳарбий техника кўпайганми, аниқлик киритишдан бош тортди.

Спикер журналистларнинг бошқа саволларига жавоб беришдан бош тортишини хавфсизликни ҳимоя қилиш билан изоҳлади.

23 сентябрь куни Исроил Ливандаги “Ҳизбуллоҳ” марраларига катта зарба берди. Исроил армияси 1600 гуруҳ нишонига ҳужум қилганини эълон қилди.

Ўша куни кечқурун Исроил мудофаа вазири Йоав Галант Ливанда “Шимолнинг ўқлари” деб номланган ҳужум операциясини эълон қилди.

Исроил Бош вазири Биньямин Нетаньяху маҳаллий аҳолини “Ҳизбуллоҳ” нишонларидан узоқроқ туришга чақирди.

Охирги маълумотларга кўра, 23 сентябрь куни Ливанга уюштирилган ҳужумларда 492 киши ҳалок бўлган, 1645 киши жароҳатланган.

Можаро 17 ва 18 сентябрь кунлари Ливандаги алоқа қурилмалари портлашидан кейин бошланган. Ўнлаб одамлар ҳалок бўлди, 3000 га яқин одам жароҳат олди.