Литва кассетали ўқлар конвенциясидан расман чиқди
Литва ушбу турдаги ўқларни ишлаб чиқариш, фойдаланиш ва узатишни тақиқловчи кассетали ўқлар тўғрисидаги конвенциядан расман чиқди, деб хабар берди Литва Миллий радио ва телевидениеси (LRT) 6 март, пайшанба куни.
Халқаро шартномадан чиқиш ҳақидаги қарор Литва парламенти томонидан 2024 йилнинг ёзида қабул қилинган эди. Кейинчалик, Литва ҳукумати БМТга зарур ҳужжатларни юборди ва шу билан конвенциядан чиқиш тартибини бошлади.
Кассетали ўқлар тўғрисидаги конвенция 2010 йилда кучга кирган, бироқ қатор давлатлар, жумладан, АҚШ, Россия ва Хитой ҳали унга аъзо бўлмаган.
Қуролли можароларда кассетали ўқлардан фойдаланишга қаршилар уларни назорат қилиш қийин, бу эса тинч аҳоли учун номутаносиб таҳдидни кучайтиради, деб таъкидламоқда.
Литва мудофаа вазири Довиле Шакалененинг қайд этишича, Литва ҳукумати шунингдек, мамлакатнинг пиёдаларга қарши миналарни тақиқловчи Оттава конвенциясидан чиқиши эҳтимолини ҳам муҳокама қилмоқда. Бу масала бўйича якуний қарор ҳали қабул қилинмаган.
