Лицензион турнир: Сакен Бибосинов навбатдаги ғалабага эришди
ASTANА. Кazinform - Италиянинг Бусто-Арсицио шаҳрида ўтказилаётган лицензион турнирнинг тўртинчи кунида 51 кг вазн тоифасида жаҳон чемпиони Сакен Бибосинов 1/16 финалда кениялик спортчи Дэвид Каранча Мачарияни ҳакамларнинг якдил қарорига кўра мағлуб этди.
Эслатиб ўтамиз, бунгача С. Бибосинов гонконглик Каннет Чун Хим Тан билан учрашган ва учинчи раундда рақибини техник нокаутга учратган эди.
Шунингдек, аёллар ўртасида 60 кг вазн тоифасида Қозоғистон шарафини ҳимоя қилаётган Римма Волосенко мазкур турнирдаги учинчи ғалабасини қўлга киритиб, чорак финалга йўл олгани ҳақида хабар берган эдик.
Ушбу турнирда эркаклардан олти нафар, аёллардан беш нафар қозоғистонлик боксчи Париж Олимпиадаси йўлланмаси учун курашмоқда. 3-12 март кунлари бўлиб ўтадиган лицензион турнирда эркаклар ўртасида 28 ва аёллар ўртасида 21 йўлланма ўйналади.
