КВИ: «Омикрон» болаларда ҳам оғир кечмоқда - инфекционист
Ҳам катталар, ҳам болаларга таъсир қилувчи «омикрон» штаммининг пайдо бўлиши шифокорларни қийин аҳволга солиб қўйган. Пойтахтлик инфекционист Динагул Баешева коронавируснинг ушбу штаммидан айниқса эҳтиёт бўлиш кераклигини эслатди, дея хабар беради Kazinform Нур-Султан ҳокимлигининг расмий сайтига таяниб.
Динагул Баешеванинг сўзларига кўра, грипп билан бирга респиратор вирусли касалликлар даражаси ошиб бораётган бир пайтда коронавирус инфекцияси алоҳида ташвиш уйғотмоқда.
«Бу муаммо ҳали ҳам долзарб бўлиб қолмоқда, чунки бизнинг мамлакатимизда ўта юқумли «омикрон« штамми мавжуд. Унинг юқиш тезлиги «дельта« штаммидан бир неча баравар юқори. «Омикрон« штаммини юқтирган болаларда касаллик оғир кечаётганини ўз кўзимиз билан кўряпмиз», — деди шифокор.
