Қувайтда йирик нефть кони топилди

ASTANА. Кazinform – Қувайт нефть корпорацияси (KPC) Форс кўрфазидаги Қувайтнинг Файлака ороли шарқида йирик Ал Ноҳата нефть конини топгани ҳақида маълум қилди, деб хабар беради dw.com.

Корпорация бош директори Шайх Наваф Сауд Ал-Сабоҳ 14 июль, якшанба куни KPCнинг Х ижтимоий тармоқдаги саҳифасида эълон қилинган видеода унинг захиралари мамлакатдаги бутун ишлаб чиқаришнинг уч йиллик қийматига тенг эканлигини айтди.

Ал-Сабоҳ маълумотларига биноан, дастлабки ҳисоб-китобларга кўра, конда тахминан 2,1 миллиард баррел нефть ва 5,1 триллион куб фут газ бўлиши мумкин, бу тахминан 3,2 миллиард баррел нефтга тенг.

Қувайт дунёдаги энг катта нефт захираларига эга. Нефть экспорт қилувчи мамлакатлар ташкилоти (ОПEК) маълумотларига кўра, 2022 йил охирида у дунёда олтинчи ўринни эгаллади ва мамлакатнинг умумий нефт захиралари 100 миллиард баррелдан ошади ёки бутун дунёнинг 6,55 фоизини ташкил қилади.