Кўчманчилар ўйинлари: Қозоғистон медаллари сони 67 тага етди

ASTANA. Kazinform – Қозоғистон спортчилари V Бутунжаҳон кўчманчилар ўйинларининг тўртинчи кунида 6 та олтин, 7 та кумуш ва 6 та бронза медалини қўлга киритди.

Натижада Қозоғистон терма жамоаси олтин медаллари сонини 27 тага етказди ва умумжамоа ҳисобида биринчи ўринни эгаллади. Бундан ташқари, мамлакат ҳисобида 17 та кумуш ва 23 та бронза, жами 67 та медаль бор.

Ва ҳозирча иккинчи ўрин Қирғизистон терма жамоасига тегишли эди. Аммо бугун Ўзбекистон терма жамоаси Қирғизистон терма жамоасини 1 олтин фарқ билан ортда қолдирди.

Ўзбекистон терма жамоаси ҳисобида 11 олтин, 12 кумуш, 9 бронза (32) медаль бор. Қирғизистон спортчилари 10 олтин, 13 кумуш, 15 бронза (38) медаль билан кучли учликдан жой олди.

Тўртинчи ўринни 9 олтин, 7 кумуш, 19 бронза (35) медаль қўлга киритган Россия терма жамоаси эгаллаган бўлса, Эрон спортчилари 1 олтин, 3 кумуш, 7 бронза (11) медаль билан бешинчи ўринда.

Бугунги кунга қадар V Бутунжаҳон кўчманчилар ўйинлари медаллари 28 давлат спортчиларига топширилди.