Кўчманчилар ўйини: Қозоғистон умумжамоа ҳисобида биринчи ўринни эгаллади
ASTANA. Kazinform – Бугун V Бутунжаҳон кўчманчилар ўйинлари ўз ниҳоясига етди. Натижада Қозоғистон терма жамоаси 44 олтин, 33 кумуш ва 37 бронза медали билан умумжамоа ҳисобида биринчи ўринни эгаллади.
Аниқроқ айтадиган бўлсак, V Бутунжаҳон кўчманчилар ўйинларининг сўнгги кунида қозоғистонликлар 12 олтин, 9 кумуш ва 10 бронза медалини қўлга киритди. Шу тариқа Қозоғистон терма жамоаси умумжамоа ҳисобида 44 олтин, 33 кумуш ва 37 (114) бронза медалини қўлга киритди.
Қирғизистон терма жамоаси 18 олтин, 21 кумуш ва 25 бронза (64) медалини қўлга киритиб, умумжамоа ҳисобида иккинчи ўринни эгаллади.
Учинчи ўринни Ўзбекистон терма жамоаси қўлга киритди. Уларда 11 та олтин, 12 та кумуш, 11 та бронза (34) медали бор.
Тўртинчи ўринни 11 олтин, 10 кумуш ва 25 бронза медали билан Россия терма жамоаси эгаллаган бўлса, Туркия терма жамоаси 2 олтин, 2 кумуш ва 2 бронза медали билан кучли бешликни якунлади.
8 сентябрь куни бошланган мусобақада дунёнинг 89 давлатидан 2430 нафарга яқин спортчи иштирок этди ва 21 спорт тури бўйича 97 медаллар жамланмаси баҳоланди.
V Бутунжаҳон кўчманчилар ўйинларида 89 давлатдан 33 таси медаль қўлга киритди. Улар орасида 18 давлат олтин, 16 давлат кумуш, 28 мамлакат бронза медалига сазовор бўлди.
V Бутунжаҳон кўчманчилар ўйинларида медалларни қўлга киритган давлатлар рўйхати:
