Ўзбекистонлик Кубаро Ҳакимова Паралимпия ўйинларининг кумуш медалига эга чиқди

TASHKENT. Kazinform - Париж шаҳрида ўтаётган XVII ёзги Паралимпия ўйинларининг пара енгил атлетика бўйича аёллар ўртасидаги F41 класси бўйича ядро улоқтириш баҳсларида Кубаро Ҳакимова иштирок этди, деб хабар беради Kazinform агентлиги UzAга таяниб.

Кубаро унда 10.36 метр натижа қайд этди ва Паралимпия ўйинларининг кумуш медали билан тақдирланди. Ушбу йўналишдаги иккинчи ўзбекистонлик пара атлет Мадина Мухторова 8.10 метр натижа қайд этди ва саккизинчи ўриндан жой олди.

Шу тариқа, Ўзбекистон делегациясининг ҳисобидаги медаллар сони 2 та кумуш ва 1 та бронзага етди.