Куба миллий телевидениеси Димаш Қудайбергенга кўрсатув бағишлади

ASTANA. Kazinform – Кубанинг Canal Clave канали илк бор қозоғистонлик қўшиқчи Димаш Қудайбергенга бағишланган тўлиқ кўрсатувни намойиш этди, дея хабар беради Kazinform Dimashnews.com агентлигига таяниб.

Sueno Bonito мусиқий дастурининг премьераси қозоғистонлик ижрочининг ҳаёти ва унинг ижодий йўли ҳақида сўзлаб берди. Димаш Қудайберген ўз ижоди мухлислари саъй-ҳаракатлари туфайли Куба телеканалларида биринчи марта чиқиши эмас.

2020 йил май ойида қозоғистонлик қўшиқчи биринчи марта Cubavisión миллий телеканалининг De La Gran Escena («Буюк Саҳна») дастурида Adagio қўшиғи билан тилга олинган. Бир йил ўтгач, худди шу дастурда томошабинлар Димашнинг машҳур Olimpico композициясини тинглади.

Жорий йил 15 апрелда Димаш Қудайберген Куба телевидениесида Sueno Bonito («Чиройли орзу») мусиқий дастурининг чиқишида яна пайдо бўлди. 45 дақиқалик дастур бутунлай қозоғистонлик ижрочига бағишланди.