Криштиану Роналдунинг Instagramдаги обуначилари сони 600 миллионга етди

ASTANA. Kazinform – «Ал-Наср» клубининг португалиялик юлдуз футболчиси Криштиану Роналду Instagramдаги обуначилари сони 600 миллионга етган биринчи шахс бўлди, деб хабар беради Kazinform мухбири.

38 ёшли ҳужумчининг машҳурлиги йилдан-йилга ортиб боряпти. Унинг «Манчестер Юнайтед»дан Саудия Арабистони чемпионатига ўтиши унинг Instagramдаги обуначилари сонини 100 миллионга кўпайтирди.

Бу борада «Интер Майами»да тўп сураётган аргентиналик Лионел Месси иккинчи ўринда. Унинг ижтимоий тармоқдаги саҳифасига 483 миллион киши обуна бўлган.

Ўтган дам олиш кунлари Криштиану Роналду Яқин Шарқдаги илк совринини ютиб олди. У ўз жамоаси таркибида Араб чемпионлари кубогини қўлга киритди.

У «Ал-Наср» сафида «Ал- Хилаль» клубига қарши ўйинда жамоада бир нафар футболчи кам ўйнаганига қарамай, иккита гол ўрди. Бу португалиялик юлдузнинг фаолиятидаги 33-кубоги. Улардан 31 таси клублар миқёсида қўлга киритилган бўлса, иккитасида терма жамоа ғалаба қозонган.

Роналду чемпионлик кубогидан ташқари турнирнинг энг яхши тўпурари сифатида «Олтин бутси»ни ҳам олди. У олтита учрашувда олтита гол урган. Кейинги ўринда учта гол билан «Ал- Иттихад» ҳужумчиси Карим Бензема жойлашган.

Муаллиф: Адилжан Умбет