Криштиану Роналду миллий чемпионатларда 500 та гол урган

ASTANA. Kazinform – Португалия терма жамоаси ва Саудия Арабистонининг «Аль Наср» клуби ҳужумчиси Криштиану Роналду миллий чемпионатларда 500 та гол урди, деб хабар бермоқда Kazinform мухбири.

«Аль Наср» клуби миллий чемпионат доирасида «Аль Вехда» жамоасига қарши баҳс олиб борди. Ўйиннинг 21-дақиқасида Криштиану Роналду рақиб жамоаси дарвозасига гол урди.

Кейин эса 40, 53 ва 61-дақиқаларда яна учта гол урди.

Шу тариқа, португалиялик футболчи миллий чемпионатлардаги беш юзинчи голини урди.

У бунгача Испания Ла Лигасида 311, Англия Премер-лигасида 103, Италия А сериясида 81, Португалия чемпионатида 3 та гол урган эди.

Ўтган йилнинг охирида Криштиану Роналду Саудия Арабистонининг «Аль Наср» жамоасига ўтган эди. У миллий чемпионатдаги илк голини 22 январь куни «Аль-Фатеха» клуби дарвозасига киритган.

«Олтин тўп»нинг беш карра соҳиби «Спортинг» (Португалия), «Манчестер Юнайтед» (Англия), «Реал Мадрид» (Испания) ва «Ювентус» (Италия) клубларида ўйнаган.

Криштиану Роналду футболчилик фаолиятида 1056 та ўйинда қатнашиб, жами 750 та гол урган.

Фото: CNN

Муаллиф: Адилжан Умбет