Криштиану Роналду фаолияти давомида 1200 та ўйин ўтказиб, янги рекордга эришди

Португалия терма жамоаси ва Саудия Арабистонининг “Ал-Наср” футбол жамоаси ҳужумчиси Криштиану Роналду фаолияти давомида 1200 та ўйин ўтказиб, янги рекордга эришди, деб хабар беради Каzinform.

“Ал-Наср”нинг “Ар-Риёд”га қарши ўйнаган учрашуви машҳур футболчининг фаолиятидаги 1200-ўйини сифатида қайд этилди.

У бу маррани босиб ўтган бешинчи футболчидир. Ундан олдин уни инглиз Питер Шилтон (1375) ва Пол Бэсток (1286), бразилиялик Рожерио Сени (1237) ва Фабио Лопес (1212) эгаллаган.

Жорий йилнинг 5 февраль куни 39 ёшга тўладиган футболчи Португалиянинг “Спортинг Лиссабон”, Англиянинг “Манчестер Юнайтед”, Испаниянинг “Реал Мадрид”, Италиянинг “Ювентус” клубларида тўп сурган.

2022 йилнинг 30 декабридан Саудия Арабистонининг «Ал-Наср» клуби билан 2,5 йиллик шартнома имзолади. 2003 йилдан буён миллий терма жамоада ўйнаб келмоқда.