Крис Хемсворт 2024 йилги энг чиройли эркак деб топилди

ASTANA. Kazinform - TC Candler ва The Indepependent Critics 2024 йилнинг 100 та энг келишган эркаклари рўйхатини тақдим этди, деб хабар беради Кazinform.

2024 йилда биринчи ўринни 41 ёшли австралиялик актёр ва Голливуд юлдузи Крис Хемсворт эгаллади.

2-ўринда Гонконглик қўшиқчи, актёр ва Гонконгнинг Mirror бойз-бэнди аъзоси Кеунг То.

3-ўринда хитойлик актёр ва қўшиқчи Чжан Чжэхань.

4-ўринда туркиялик актёр Халил Иброҳим Жайхон.

5-ўринда Нишимура Рики (Ni-Ki) - япон қўшиқчиси, раққоса, Жанубий Кореянинг ENHYPEN бой-бэнди аъзоси.

6-ўринда британиялик актёр Генри Кавилл (2022 йил ғолиби).

7-ўринда Жонгук — жанубий кореялик қўшиқчи ва BTS бой-бэндининг вокалисти (2019 йил ғолиби).

8-ўринда америкалик актёр Тимоте Шаламе (2023 йил ғолиби).

9-ўринда Эйден Снг Чжэн — сингапурлик актёр, бошловчи ва мусиқачи.

Кучли ўнликни британиялик актёр Люсьен Лавискаунт якунлаб берди.

 

Рўйхатнинг иккинчи ва учинчи ўнлигига 49 ёшли чилилик- америкалик актёр Педро Паскаль (18-ўрин), 52 ёшли британиялик актёр Идрис Эльба (22-ўрин), 45 ёшли америкалик актёр Жейсон Момоа (25-ўрин)каби машҳур актёрлар киритилган.

Қуйида рўйхатда америкалик актёр Крис Эванс (42-ўрин), британиялик қўшиқчи ва актёр Гарри Стайлс (38-ўрин), британиялик актёр Николас Галицин (36-ўрин), британиялик актёр Том Холланд (68-ўрин), британиялик актёр Роберт Паттинсон (71-ўрин) жой олган.

Топ 100 та гўзал қиёфалар якунига яқинроқ – инглиз футболчиси Дэвид Бекхэм (98-ўрин) ва Голливуд юлдузи, канадалик актёр Киану Ривз (86-ўрин).

Дунёга машҳур 100 та энг чиройли юзлар рўйхати TC Candler ва The Indepependent Critics томонидан 1990 йилдан бери чоп этиб келинади.

Эслатиб ўтамиз, қозоғистонлик Димаш Қудайберген 2017 йилда TC Candlerнинг юзта келишган эркаклар рўйхатида 76-ўринни эгаллаган эди.