ҚР Туризм ва спорт вазири таниқли файтер Шавкат Раҳмоновни қабул қилди
ASTANА. Кazinform - UFCда иштирок этааётган таниқли қозоғистонлик файтер Шавкат Раҳмоновни Қозоғистон Республикаси Туризм ва спорт вазири Ермек Маржиқпаев қабул қилди. Бу ҳақда вазир ижтимоий тармоқдаги саҳифасида ёзган.
“Мен аралаш яккакурашлар оламининг энг нуфузли ташкилоти UFCда иштирок этаётган таниқли спортчимиз Шавкат Раҳмонов билан учрашиб, уни ёрқин ғалабаси билан табрикладим. Ўтган йили Мустақиллик куни арафасида у америкалик жангчи Стивен Томпсонни мағлуб этганди. Шавкат - Океаннинг нариги томонидаги жанглари билан юртимизни бутун дунёга танитиб келаётган қаҳрамонимиз. Шавкатга келажакда ғалабали сериясини муваффақиятли давом эттиришини ва тезроқ жаҳон чемпиони бўлишини тилайман”, — деб ёзади вазир.
Эслатиб ўтамиз, Шавкат Раҳмонов сўнгги жангини ўтган йилнинг декабрь ойида америкалик Стивен Томпсон билан ўтказган ва иккинчи раундда рақибини нокаут билан мағлуб этган эди.
Шу тариқа у профессионал фаолиятидаги 18-ғалабасига эришди, Стивен Томпсон эса 7-марта мағлуб бўлди.
Ушбу ғалабадан сўнг қозоғистонлик жангчи UFCнинг ярим ўрта вазн тоифасидаги рейтингида 3-ўринга кўтарилиб олди. Ундан олдин Белал Муҳаммад (2-ўрин), Камару Усмон (1-ўрин) ва чемпион Леон Эдвардс бор. Колби Ковингтон 5-ўринга тушиб кетди.
