ҚР Туризм ва спорт вазири спортчиларни тайёрлаш учун замонавий инфратузилмани яратиш муҳимлигини таъкидлади

ASTANА. Кazinform — Бугун Қозоғистон Республикаси Туризм ва спорт вазирлигининг жисмоний тарбия ва спорт, ўйин бизнеси ва лотерея фаолиятини тартибга солиш соҳасидаги 2023 йилдаги фаолияти ҳамда 2024 йилга мўлжалланган асосий вазифаларга бағишланган кенгайтирилган ҳайъат йиғилиши бўлиб ўтди. Йиғилишда сўзга чиққан Ермек Маржиқпаев спортчиларни тайёрлаш учун замонавий инфратузилмани яратиш муҳимлиги ҳақида гапирди.

Ўз навбатида вазир Олимпиадага тайёргарлик жараёнида спорт тиббиёти ва овқатланиш билан таъминлаш, спортчиларни тайёрлаш учун замонавий инфратузилмани яратиш муҳимлигини таъкидлади.

“Бундан ташқари, спортнинг турли турлари бўйича терма жамоалар спортчиларини тайёрлаш самарадорлигини оширишга қаратилган Комплекс илмий гуруҳ фаолияти ҳам жуда зарур. Спорт шифокори, реабилитатор, нутрициолог, травматолог каби мутахассисларни бирлаштириш чораларини кўриш керак. Жисмоний тайёргарлик билан бир қаторда спортчиларнинг тайёргарлигини тиббий-биологик ва илмий-услубий таъминлаш, комплекс кўрикдан ўтказиш ҳам муҳим аҳамият касб этади”, — деди Ермек Маржиқпаев.

Ҳайъат йиғилишида Қозоғистон Республикаси Бош вазирининг ўринбосари Т.Дуйсенова, Туризм ва спорт вазири Е.Маржиқпаев, Қозоғистон Республикаси Парламенти депутатлари, вазирликка бўйсунувчи ташкилотлар, Париждаги Олимпия ва Паралимпия ўйинларига тайёргарлик кўриш бўйича мувофиқлаштирувчи штаб раҳбарлари, Бутунжаҳон кўчманчилар ўйинларига тайёргарлик кўриш ва ўтказиш дирекцияси, ҳудудий спорт бошқармалари вакиллари, спорт фахрийлари иштирок этди.