ҚР Таълим вазири: Ўқитувчилик касбига фақат аълочи битирувчилар ўқий бошлашди

NUR-SULTAN. Кazinform - Ўтган йилдан бошлаб педагогика йўналишига ўқишга қабул қилиш учун талаблар кучайтирилди ва кириш балли кўтарилди. Бироқ, бу қаттиқ талабдан ўта олганлар талаба бўлгандан кейин энг юқори стипендияга эга бўладилар. Қозоғистон Таълим ва фан вазири Асхат Аймағамбетов ўзининг Facebookдаги саҳифасида ёшлар ўртасида ўқитувчилик касбининг нуфузини ошириш учун бундай қадамлар қўйилганини ёзди, деб хабар беради Kazinform мухбири.

«2021 йилда ўқитувчи бўлиб ишламоқчи бўлганларни ишга жойлаштириш бўйича талабларни кучайтирдик. Шундай қилиб, ҳар қандай мактаб битирувчиси энди бу мутахассисликка кира олмайди, чунки педагогик йўналишга тайёргарликнинг барча йўналишлари бўйича Миллий ягона тестнинг энг юқори балли белгиланган. Шунингдек, педагогика йўналишида таҳсил олаётган талабалар учун стипендия миқдори ҳам энг юқори кўрсаткичдир», — деди вазир.

Унга кўра, иш ҳақини ошириш, ўқув юкламасини камайтириш, ҳисоботтни камайтириш, ўқитувчиларнинг ўзига хос бўлмаган вазифаларга жалб этилишига йўл қўймаслик борасидаги чора-тадбирлар касб мавқеини юксалтиришда муҳим аҳамият касб этди.

– Бунинг шарофати билан эндиликда ўқитувчилик касбига фақат энг яхши битирувчилар киришини кўряпмиз. Мазкур мутахассислик бўйича абитуриентларнинг ўртача балли сезиларли даражада ошди, ўқитувчилик касбини танлаган «Олтин белги» соҳиблари сони икки баравар кўпайди», — деди вазир.

Муаллиф: Есимжан Нақтибай