ҚР Соғлиқни сақлаш вазирлигида ревакцинация учун «Спутник Лайт» вакцинасини етказиб бериш имкониятига изоҳ берилди

NUR-SULTAN. Kazinform - Қозоғистон Республикаси Соғлиқни сақлаш вазирлигининг Санитария-эпидемиология назорати қўмитаси раиси Айжан Есмағамбетова ревакцинация учун «Спутник Лайт» вакцинасини етказиб бериш бўйича музокаралар боришини маълум қилди, дея хабар беради Кazinform мухбири.

«Етказиб берувчилар билан ҳар куни музокаралар олиб борилмоқда. «Спутник Лайт» бўйича дастлабки музокаралар олиб борилди. Ҳозирча 2022 йилнинг 1 чорагида 1 миллионга яқин доза етказиб берилади», - деди Айжан Есмағамбетова Ҳукумат йиғилишидан сўнг.

Унинг сўзларига кўра, дастлабки 150 минг дозани декабр ойи охири – январ ойи бошида етказиб бериш бўйича дастлабки келишув мавжуд.

Бугун Соғлиқни сақлаш вазири вазифасини бажарувчи Жандос Буркитбаев коронавирус инфекциясига қарши вакциналарнинг самарадорлиги ҳақида гапирди.

«Вакцинациянинг самарадорлиги исботланган. Эмлаш бошланганидан буён 95% беморлар эмланмаган, ўпканинг сунъий вентиляциясига ўтган беморларнинг 96% эмланмаган», - деди Жандос Буркитбаев.

Муаллиф: Азамат Сиздиқбаев