ҚР Сенати спикери Грузия Парламенти раиси билан учрашди

ASTANA. Kazinform - Сенат спикери Маулен Ашимбаев Қозоғистонга илк бор расмий ташриф билан келган Грузия Парламенти раиси Шалва Папуашвили билан учрашди. Томонлар парламентлараро ҳамкорликни янада мустаҳкамлаш истиқболларини муҳокама қилдилар, дея хабар беради Каzinform агентлиги Қозоғистон Республикаси Парламенти Сенати матбуот хизматига таяниб.

Сенат спикери Шалва Папуашвилининг республикамизга ташрифи ҳам парламентлараро ҳамкорликни, ҳам давлатлар ўртасидаги ҳамкорликни янада кенгайтиришга янги суръат бағишлашига ишонч билдириб, Грузия Қозоғистоннинг Жанубий Кавказ минтақасидаги муҳим ҳамкори эканини алоҳида таъкидлади.

– Икки томонлама муносабатларимизнинг драйвери – савдо-иқтисодий соҳа бўлиб, бу борада кейинги йилларда маълум ютуқларга эришдик. Биз ҳам парламентлар томонидан турли йўналишларда ҳамкорликни мустаҳкамлаш бўйича ушбу вазифаларни амалга оширишга ўз ҳиссамизни қўшишимиз мумкин эди, — деди Маулен Ашимбаев.

Бундан ташқари, томонлар туризм, транспорт, логистика ва бошқа соҳалардаги ҳамкорлик истиқболларини муҳокама қилдилар.

Учрашувда Сенат спикери ҳамкасбини Қозоғистонда мамлакат Президенти ташаббуси билан амалга оширилаётган кенг қамровли ижтимоий-иқтисодий ва сиёсий ислоҳотлар, Сенатнинг қонун ижодкорлиги фаолияти билан таништирди. Хусусан, янги иқтисодий модел яратиш ва мамлакатнинг сармоявий муҳитини яхшилашга қаратилган чора-тадбирлар муҳокама қилинди.

Ўз навбатида, Шалва Папуашвили кўп томонлама муносабатларни ривожлантиришдан манфаатдор эканлигини билдирди ва Қозоғистондаги сиёсий ўзгаришлар самарадорлигини қайд этди.