ҚР Президентининг Телерадиокомплекси жамоаси “Таза Қазақстан” экологик акциясида иштирок этди
ASTANA. Kazinform - Астанада ҚР Президентининг Телерадиокомплекси жамоаси “Таза Қазақстан” экологик акциясида иштирок этди.
Хусусан, Давлат раҳбарининг фармойиши билан республика бўйлаб “Таза Қазақстан” экологик акцияси бошланди. Акция беш ҳафта давом этади. Ҳар ҳафтанинг ўз номи ва аниқ мақсади бор. Акция доирасида 13 апрелга қадар давом этадиган биринчи ҳафталик «Таза өлке» деб номланди. Дастлабки етти кун давомида маҳаллалар аҳолиси, маҳалла фаоллари, ташкилот ва корхоналар ходимлари томонидан қўшни ҳудудлар ва белгиланган ҳовлилар тозаланди. 20 апрелгача давом этган иккинчи ҳафта эса «Киелі мекен» деб номланди. Шу кунларда тарихий-маданий обидалар, истироҳат боғлари ҳудудини ободонлаштириш ишлари олиб борилади. Шу муносабат билан ҚР Президентининг Телерадиокомплекси жамоаси “Абу-Даби плаза” ва Ботаника боғи оралиғидаги 14 гектарлик боғ ҳудудини тозалади. Ушбу боғдан 250 қопдан ортиқ чиқинди олиб чиқилди.
“ҚР Президентининг Телерадиокомплекси жамоаси мамлакатнинг ижтимоий соҳадаги ташаббусларида фаол иштирок этмоқда. Биз шаҳримизни яхши кўрамиз, тозалик ва тартибни сақлашга ҳисса қўшишга ҳаракат қиламиз. Бугун биз паркни тозалашда қатнашдик. Яқин кунларда шаҳар бўйлаб 100 тупдан ортиқ кўчат экишни режалаштирганмиз. Пойтахтимизда Қозоғистон Республикаси Президентининг Телерадиокомплек хиёбони бор, биз унга ғамхўрлик қиляпмиз. Зеро, «Таза Қазақстан» нафақат шанбалик, балки Давлат раҳбари томонидан эълон қилинган янги экологик маданиятдир”, — деди Қозоғистон Республикаси Президентининг Телерадиокомплекси директори Раушан Қажибаева.
Эслатиб ўтамиз, «Таза Қазақстан» доирасида 27 апрелга қадар учинчи ҳафтага «Жасыл аймақ» деб номланди. «Өнегелі ұрпақ» деб номланган кейинги ҳафта 4-майгача давом этади. «Мөлдір бұлақ» деб номланган сўнгги, бешинчи ҳафтада сув ҳавзалари – дарё ва кўллар атрофи чиқиндидан тозаланади.
Бугун экология акцияси доирасида Астанадаги обидалар ва уларнинг атрофида кенг кўламли дам олиш кунлари ўтказилмоқда.
Шу билан бирга, маданий мерос обектлари, ёдгорликлари ва уларга туташ ҳудудларнинг фасадларини тартибга солиш ишлари олиб борилмоқда.
Қозоғистон Республикаси Президентининг телерадиокомплекси Қозоғистондаги энг йирик медиакомпаниялардан бири ҳисобланади. Унинг таркибига Jibek Joly, Silk Way, Silk Way Cinema телеканаллари, «Қазақпарат» - «Казинформ» халқаро ахборот агентлиги ва Ҳужжатли фильмлар маркази киради.
