ҚР Президентига мамлакат судьялар корпуси ҳолати ҳақида маълумот берилди
ASTANA. Kazinform - Давлат раҳбари Олий суд кенгаши раиси Денис Шиппни қабул қилди, дея хабар беради Kazinform агентлиги Ақорда матбуот хизматига таяниб.
Президентга Олий суд кенгашининг 2023 йилдаги фаолияти якунлари, мамлакат суд-ҳуқуқ тизимининг ҳолати ва келгуси даврдаги режалари тўғрисидаги ҳисобот тақдим этилди.
Денис Шиппнинг таъкидлашича, ўтган йили Кенгаш томонидан судьяликка номзодларни тайёрлаш, уларнинг малакасини ошириш, ёш чегарасини узайтириш, ваколатларини тўхтатиб туриш ва тугатиш масалаларини институционал жиҳатдан мустаҳкамлаш ва ўз юрисдикциясига ўтказиш бўйича мамлакат раҳбарияти томонидан белгиланган қатор вазифалар амалга оширилди.
Қасим-Жомарт Тоқаевга Кенгаш томонидан судьяларни танлашни такомиллаштириш, унинг шаффофлиги ва самарадорлигини таъминлаш бўйича олиб борилаётган ишлар ҳақида маълумот берилди. Кўрилган чора-тадбирлар туфайли янги келган судьялар сонининг йил сайин ўсишининг ижобий тенденцияси давом этмоқда. 2023 йилда биринчи марта судьялик лавозимига тайинланиш учун тавсия этилган шахслар сони судьяликдан кетган судьялар сонидан 32 нафарга ошди. Жинслар бўйича аёл судьялар сони эркаклар сонидан 172 кишига кўп. Судьянинг ўртача ёши 46 ёшни, ўртача судьялик тажрибаси эса 13 йилни ташкил этади.
Танловнинг очиқлиги ва ошкоралигини таъминлаш мақсадида илк бор танлов тартиб-таомилларини унинг натижалари батафсил асослантирилган тушунтирилган ҳолда онлайн кўрсатуви жорий этилди. Бундан ташқари, ўтган йили биринчи марта Олий суд судьяси лавозимига номзодлар муқобил асосда Парламент Сенатига тақдим этиш учун Давлат раҳбарига тавсия этилган эди.
Президентга туман судлари раислари лавозимларига сайлаш элементлари жорий этилгани муносабати билан судьялик лавозимлари учун кадрлар захирасини шакллантириш институтининг ролини кучайтириш тўғрисида ҳам маълумот берилди.
Айни пайтда судья томонидан қўпол қонун бузилишига йўл қўйилган бекор қилинган ҳар бир суд ҳужжатини Судья ҳайъати томонидан текшириш механизмини қонунчиликка жорий этиш бўйича ишлар давом эттирилмоқда.
Учрашув сўнггида Давлат раҳбари судьялар мустақиллигини мустаҳкамлаш, уларни сифатли танлашга қаратилган ислоҳотларни самарали амалга ошириш бўйича ишларни давом эттириш бўйича топшириқлар берди.
