ҚР Президенти Temasek Holdings компанияси бош директори Дилхан Пиллэйни қабул қилди
SINGAPORE. Kazinform – Учрашувда Қасим-Жомарт Тоқаев ва Дилхан Пиллэй “Самруқ-Қазна” жамғармаси ва Temasek компанияси ўртасида стратегик ҳамкорликни йўлга қўйиш имкониятларини муҳокама қилди.
Президент таъкидлаганидек, бу ташаббус ишбилармонлик алоқаларини кенгайтириш ва иқтисодий ўсишни рағбатлантиришга хизмат қилмоқда.
Давлат раҳбари Қозоғистон Temasek компанияси билан яқин ҳамкорликни йўлга қўйишдан манфаатдор эканини таъкидлади.
Қасим-Жомарт Тоқаев Сингапур компаниясини Қозоғистон иқтисодиётининг турли тармоқларида қўшма инвестиция лойиҳаларини амалга оширишда фаол иштирок этишга таклиф қилди.
Дилхан Пиллэй мамлакат билан транспорт ва логистика соҳасидаги ҳамкорлик истиқболларини юқори баҳолади.
Айни пайтда Сингапур компанияси Қозоғистон иқтисодиётида иштирок этиш имкониятларини ўрганмоқда.
Йиғилишда қўшма инвестиция фондини яратиш, шунингдек, рақамлаштириш, электрон тижорат ва қайта тикланувчи энергия манбалари соҳаларида интеграция масалалари муҳокама қилинди.
Temasek 1974 йилда ташкил этилган Сингапурнинг энг йирик инвестиция компанияларидан биридир. Компаниянинг дунёнинг 9 та давлатида 13 та ваколатхонаси мавжуд.
