ҚР Президенти ташаббусларини ҳаётга татбиқ этиш мақсадида Мажилис бир қатор қонунларга ўзгартиришлар киритади
ASTANA. Kazinform – Давлат маслаҳатчиси Ерлан Қарин Парламент Мажлисидаги олти сиёсий партия етакчилари билан учрашув ўтказди.
Тадбирда Amanat партияси фракцияси етакчиси Елнур Бейсенбаев, «Ауыл» халқ-демократик ватанпарварлик партияси фракцияси етакчиси Серик Егизбаев, Respublica партияси фракцияси етакчиси Айдарбек Қожаназаров, «Ақ жол» Қозоғистон демократик партияси фракцияси етакчиси Азат Перуашев, Қозоғистон Халқ партияси фракцияси раҳбари Магеррам Магеррамов, Бутунмиллий социал-демократик партия фракцияси раҳбари Асхат Рақимжанов, шунингдек, Президентнинг Парламентдаги ваколатхонаси раҳбари Амирбек Оспанбеков иштирок этди.
Йиғилиш иштирокчилари Давлат раҳбарининг “Ҳалол инсон – Ҳалол меҳнат – Ҳалол даромад” мавзуидаги Миллий қурултойнинг учинчи йиғилишида берган топшириқ ва ташаббусларини самарали амалга ошириш йўллари ва чоралари юзасидан фикр алмашди.
Давлат маслаҳатчиси Президентнинг кўплаб ташаббусларини ҳаётга татбиқ этиш учун қонунчилик билан таъминлаш, депутатларнинг фаол иштироки зарурлигини таъкидлади.
Аввало, наркотик моддалар ишлаб чиқариш, лудомания, вандализм, оиладаги зўравонлик учун жавобгарликни кучайтириш, шунингдек, давлат мукофотлари тўғрисидаги, ономастика, археология фаолияти ва бошқа қонунларга ўзгартиришлар киритиш зарур.
Йиғилишда “Ономастика тўғрисида”, “Гиёҳвандлик ва бузғунчиликка қарши курашиш тўғрисида”ги қонун лойиҳалари Мажилисда кўриб чиқилаётганига, “Оилавий зўравонликка қарши курашиш тўғрисида”ги қонун эса Мажилис томонидан қабул қилиниб, ҳужжат Сенатга юборилганига эътибор қаратилди.
Шу билан бирга, вандализм деганда нафақат обидалар ва табиат объектларига, балки жамоат жойларидаги мулкка ҳам зарар етказилиши таъкидланди.
Депутатлар вандализм ва бошқа маиший ҳуқуқбузарликлар учун жазони кучайтириш кераклигини таъкидладилар.
Шунингдек, фракция етакчилари Президент томонидан илгари сурилган миллий қадриятларни улуғлаш юзасидан ўз таклифларини билдирди.
