ҚР Президенти Сердар Бердимуҳамедовни Туркманистон Мустақиллиги куни билан табриклади

ASTANА. Кazinform - Давлат раҳбари Қасим-Жомарт Тоқаев Сердар Бердимуҳамедовни Туркманистон Мустақиллиги куни билан табриклади.

Президент ўз табрик телеграммасида Ашхободнинг давлатчиликни мустаҳкамлаш борасида эришган ёрқин ютуқларига тўхталиб, хорижий ҳамкорлар билан муносабатларда конструктив позицияни эгаллаган бетараф Туркманистон халқаро майдонда катта обрў-эътиборга эга эканини таъкидлади.

Давлат раҳбари Қозоғистон Туркманистон билан кўп асрлик дўстона, аҳил қўшничилик муносабатлари ва ўзаро қўллаб-қувватлаш анъаналаридан четга чиқмасдан, икки томонлама стратегик шерикликни янада чуқурлаштириш тарафдори эканини тасдиқлади.

Қасим-Жомарт Тоқаев Сердар Бердимуҳамедовга масъулиятли давлат хизматида муваффақиятлар, қардош туркман халқига эса фаровонлик тилади.