ҚР Президенти Sany Group Co. Ltd Директорлар кенгаши раиси Сян Вэньбони қабул қилди

PEKIN. Kazinform – Учрашувда Қасим-Жомарт Тоқаев ва Сян Вэньбо “яшил” энергетика соҳасида қўшма лойиҳаларни амалга ошириш масалаларини муҳокама қилди.

Корпорация Қозоғистонда умумий қуввати 1 ГВт бўлган шамол электр станциясини қуриш лойиҳасини амалга оширишда иштирок этмоқда ва қайта тикланадиган энергия манбалари учун миноралар, қанотлар ва гондолларни йиғиш заводини қуриш имкониятларини кўриб чиқмоқда.

Давлат раҳбари Қозоғистон Sany Group Co. Ltd компанияси билан ҳамкорликни янада мустаҳкамлашдан манфаатдор. Хусусан, мамлакатда махсус техника ва уларнинг эҳтиёт қисмларини қўшма ишлаб чиқаришни йўлга қўйиш истиқболли деб ҳисобланади.

Шу билан бирга, Хитой компаниясига Қозоғистонда минтақавий R&D марказини очиш имкониятини кўриб чиқиш таклиф қилинди. Ушбу марказ компаниянинг ЕОИИ бозоридаги фаоллигини оширишга ёрдам беради.

Учрашув якунида Қасим-Жомарт Тоқаев Сян Вэньбони жорий йилда Қозоғистонда бўлиб ўтадиган Астана халқаро форумида иштирок этишга таклиф қилди.