ҚР Президенти МДҲга аъзо давлатлар раҳбарларининг норасмий учрашувида иштирок этди

Президент
Фото: Ақорда

Қасим-Жомарт Тоқаев МДҲга аъзо давлатлар раҳбарларининг норасмий учрашувида иштирок этди, деб хабар беради Kazinform агентлиги Ақордага таяниб.

МДҲга аъзо давлатлар раҳбарларининг норасмий учрашувида Қозоғистон Президенти Қасим-Жомарт Тоқаев билан бирга Россия Президенти Владимир Путин, Озарбайжон Президенти Илҳом Алиев, Арманистон Бош вазири Никол Пашинян, Беларусь Президенти Александр Лукашенко, Қирғизистон Президенти Садир Жапаров, Тожикистон Президенти Эмомали Раҳмон, Туркманистон Президенти Сердар Бердимуҳамедов, Ўзбекистон Президенти Шавкат Мирзиёев иштирок этди.

"Учрашувда МДҲ давлатлари раҳбарлари Ташкилот фаолиятининг устувор йўналишлари, ўзаро манфаатли ҳамкорликни мустаҳкамлаш ва янада ривожлантириш режасини муҳокама қилдилар. Шунингдек, МДҲ доирасидаги ҳамкорликнинг долзарб масалалари юзасидан фикр алмашдилар", – деб ёзади Ақорда ижтимоий тармоқдаги расмий саҳифада.

Сўнгги хабарлар
telegram