ҚР Президенти Манғистау вилояти ҳокими Нурдаулет Қилибайни қабул қилди
ASTANA. Kazinform – Учрашувда Қасим-Жомарт Тоқаев вилоятнинг янги раҳбарига муҳим вазифаларни юклади.
Хусусан, вилоят иқтисодиётини диверсификация қилиш, жумладан, янги ишлаб чиқариш қувватларини очиш, ривожланишнинг янги йўналишларини амалга ошириш зарурлигига эътибор қаратди.
Шунингдек, туризм, қурилиш, транспорт ва логистика соҳаларини ривожлантиришга алоҳида эътибор қаратиш лозим.
Давлат раҳбари коммунал инфратузилмани модернизация қилиш бўйича комплекс чора-тадбирларни амалга ошириш муҳимлигини таъкидлади.
Вилоят ҳокимига Ақтау шаҳри ва унинг атрофидаги аҳоли пунктларини иссиқлик ва ичимлик суви билан таъминловчи МАЭК ва “Каспий иссиқлик, сув канали” корхоналари балансидаги инфратузилмани таъмирлаш ва модернизация қилишни жадаллаштириш топширилди.
