ҚР Президенти Даниянинг янги тахтга ўтирган Қиролини табриклади
ҚР Президенти Қасим-Жомарт Тоқаев янги тахтга ўтирган Дания Қироли Х Фредерикни табриклаган ҳолда телеграмма йўллади, деб хабар беради Kazinform Ақорда матбуот хизматига таяниб.
“Сизнинг раҳбарлигингиз остида Дания ўзининг барқарор ривожланиши, халқи фаровонлигини ошириш, халқаро майдондаги обрў-эътиборини ошириш йўлида эзгу ишларни давом эттиришига тўлиқ ишонаман. Қозоғистон ва Дания ўртасидаги дўстлик ва ўзаро қўллаб-қувватлашга асосланган ҳар томонлама ҳамкорлик келгусида биргаликдаги саъй-ҳаракатларимиз туфайли мустаҳкамланишига катта умид қиламан”, – дейилади телеграммада.
Шу билан бирга, Президент Қасим-Жомарт Тоқаев Маргрете II га ҳам телеграмма йўллади, у белгиланган муддатдан аввал Қиролича лавозимини ўз ихтиёри билан тарк этди ва тахт вориси шаҳзода Фредерикни Дания қироли деб эълон қилди.
Давлат раҳбари Маргрете II га Қозоғистон ва Дания ўртасидаги ҳамкорликни ривожлантиришга қўшган салмоқли ҳиссаси учун миннатдорлик билдирди.
