ҚР Президенти: Биз учун асосий мақсад – фуқаролар фаровонлиги

ASTANA. Kazinform – Сув тошқинлари оқибатида вайрон бўлган уй-жойларни тиклаш, жабрланган аҳолининг нормал ҳаётга қайтишини таъминлаш Президент сифатида менинг олдимдаги энг муҳим вазифадир. Бу ҳақда Давлат раҳбари Қасим-Жомарт Тоқаев “Бирлик. Янгиланиш. Тараққиёт” мавзусида ўтказилаётган Қозоғистон халқи Ассамблеясининг ХХХІІІ сессиясида маълум қилди.

“Ҳозирги кунда дунёда турли табиий офатлар кучайиб бораётганига барчангиз гувоҳ бўлдингиз. Қозоғистон ҳам катта хавфга дуч келди. Мамлакатнинг кўплаб ҳудудларида ҳалокатли сув тошқинлари кузатилмоқда. Биз учун асосий мақсад – фуқаролар фаровонлиги. Шунга кўра, Ҳукумат томонидан барча зарур чора-тадбирлар кўрилмоқда, тегишли маблағлар ажратилди, йирик компаниялар, бизнес вакиллари ёрдам бермоқда. Айтганимдек, вайронагарчиликка сабаб бўлган сув тошқини оқибатида вайрон бўлган уй-жойларни тиклаш, жабрланган аҳолининг нормал ҳаётга қайтишини таъминлаш ҳозирда Президент сифатида менинг олдимда турган энг муҳим вазифадир. Шу боис мамлакатимизда аввалдан режалаштирилган халқаро тадбирларни қисқартириш бўйича аниқ топшириқ бердим”, – деди Давлат раҳбари.

Президент Астана халқаро форуми бу йил ўтказилмаслигини таъкидлади.

“Албатта, бу мамлакатимиз учун зарур бўлган жуда муҳим йиғин. Бироқ, уни кечиктириш мумкин. Шошилинч учрашув ва тадбирларнинг мақсади эса бошқача. Бу мамлакат фаровонлиги учун зарур”, – деди Қасим-Жомарт Тоқаев.