ҚР Президенти Алмати вилоятидаги Республика олимпия тайёргарлик базасини бориб кўрди

ASTANA. Kazinform – Давлат раҳбари Алмати вилоятидаги Республика олимпия ўқув-машғулот базасини бориб кўрди, деб хабар беради Kazinform Ақорда матбуот хизматига таяниб.

ҚР Туризм ва спорт вазири Ермек Маржикпаевнинг сўзларига кўра:

Бугунги кунда спорт майдончаси, муз аренаси, кўп функцияли спорт зали, бадиий ва спорт гимнастикаси зали, маъмурий бино ва меҳмонхона қурилиши ниҳоясига етказилди.

Бундан ташқари, сузиш ҳавзаси, яккакурашлар зали, ўқ отиш спорти полигони, трибунали стадион, камондан ўқ отиш жойи қурилиши ниҳоясига етказилмоқда.

Президент МДҲдаги энг йирик спорт мажмуаларидан бирининг инфратузилмасини бориб кўрди. Халқаро стандартларга мувофиқ мазкур иншоот 2300 нафар спортчига мўлжалланган.

Давлат раҳбарига мазкур базанинг ўзига хос хусусиятлари ҳақида сўзлаб берилди:

Ўқув машғулотлари, соғломлаштириш тадбирлари, халқаро ва республика мусобақаларини ўтказиш учун 9 та ёпиқ спорт бинолари мавжуд.

Бундан ташқари енгил атлетика ва оғир атлетика, волейбол, баскетбол, ​​кичик футбол, ​​хоккей, конькида учиш, бокс, курашнинг барча турлари, яккакурашлар, сув спорти, ўқ отиш спорти каби спортнинг 23 тури бўйича олимпия захиралари ва терма жамоаларни тайёрлаш режалаштирилган.

Президентга спорт майдончаси ва спортчилар учун меҳмонхона кўрсатилди.