ҚР Президенти “Ал-Азҳар” университети олий имом-хатиби Аҳмад ат-Тайиб билан суҳбатлашди
ASTANA. Kazinform – Давлат раҳбари Қозоғистон жамоатчилиги мусулмон уммати учун илм, маънавий тарбия ва эзгулик чироғи бўлган “Ал-Азҳар” университети шаънига ҳурмат билан қарашини таъкидлади, деб хабар беради Ақорда.
Президент бағрикенглик ва конфессиялараро мулоқотни мустаҳкамлашга қўшган улкан ҳиссаси, ислом динининг асл тамойилларини тараннум этаётгани учун олий имомга миннатдорлик билдирди. Давлат раҳбари таъкидлаганидек, бугунги тарқоқ даврда бу қадриятларнинг аҳамияти янада ошди.
Қасим-Жомарт Тоқаев Шайх Аҳмад ат-Тайибни келаси йили Астана шаҳрида бўлиб ўтадиган Жаҳон ва анъанавий динлар етакчиларининг VIII Қурултойида иштирок этишга таклиф қилди.
Суҳбат чоғида диний таълим ва илмий тадқиқотлар йўналишидаги ҳамкорликни кенгайтириш имкониятлари муҳокама қилинди.
