ҚР Молия вазири ўрмон хўжалигига қанча маблағ ажратилганини айтди
«2023-2025 йиллар учун уч йиллик бюджетга 121,5 миллиард тенге, жорий йил учун эса 52,7 миллиард тенге ажратилди. Ўтган йили маблағ миқдори камроқ бўлди», – деди Ерулан Жамаубаев.
Шунингдек, Молия вазири эскирган ускуналар муаммоларини тушунтириб берди.
«Маълум меъёрлар бор, амалда биз мана шу меъёрлар асосида ишлаймиз. Зарурлик нормаси аниқ ёзилган. Шубҳасиз, бир йил ичида барча жиҳозларни янгилаш мумкин эмас. Буни батафсил кўриб чиқиш керак», – деди Вазир.
Унинг сўзларига кўра, соҳани қўшимча молиялаштириш ҳали кўриб чиқилмаган.
«Комиссия ишлаяпти, қанча пул кераклигини аниқлаймиз. Ёнғин ҳали ўчирилмагани учун дастлабки зарар ҳақида ҳозирча маълумот бера олмаймиз. Катта ҳудуд ёнғинга учради, келинг, барча процедуралар тугашини кутайлик», – дея хулоса қилди Бош вазир ўринбосари.
Муаллиф: Айжан Серикжанқизи
