ҚР Миллий иқтисодиёт вазири 2027 йилгача ривожланишнинг 3 та сценарийсини тақдим этди

NUR-SULTAN. Kazinform – ҚР Миллий иқтисодиёт вазири Алибек Қуантиров Ҳукумат йиғилишида 2023-2027 йилларга мўлжалланган ижтимоий-иқтисодий ривожлантириш прогнози лойиҳасини тақдим этди, деб хабар беради Kazinform мухбири.

«Халқаро молия ташкилотларининг консенсус-прогнозига кўра, 2022 йилда нефтнинг жаҳон нархи бир баррелига 104,2 АҚШ доллари даражасида бўлиши кутилмоқда.

2023 йилда жаҳон иқтисодиёти 3 фоизга ўсади. Ташқи ва ички параметрларнинг ўзгариши муносабати билан Қозоғистон иқтисодиётини ривожлантиришнинг 2023-2027 йилларга мўлжалланган учта сценарийси ишлаб чиқилди.

Базавий сценарийда нефтнинг ўртача нархини бир баррелига 85 доллар даражасида ва АҚШ долларининг тахминий курсини 470 тенге даражасида қўллаш тавсия этилади. Ушбу сценарийга кўра, ялпи ички маҳсулотнинг ўртача йиллик реал ўсиши 3,9 фоизни, жумладан, 2023 йилда 4 фоизни ташкил этади», - деди вазир.

Унинг сўзларига кўра, оптимистик сценарийда нефтнинг тахминий нархи бир баррелига 110 долларни, АҚШ долларининг курси эса 440 тенгени ташкил этади.

Иқтисодиётнинг ўртача йиллик ўсиши эса 4,2% даражасида прогноз қилинмоқда.

«Пессимистик сценарийда нефт нархи бир баррелига 60 долларни ташкил этади ва ялпи ички маҳсулотнинг тахминий реал ўсиши ўртача 3,5 фоизни ташкил этади.

Барча сценарийлар бўйича инфляция 2023 йилда 7,5-9,5 фоиз, 2024 йилда 4-5 фоиз даражасида белгиланди, кейин эса 2025-2027 йилларда 3-4 фоизгача пасаяди»,- деди Айбек Қуантиров.

Муаллиф: Есимжан Нақтибай