ҚР Миллий банки раиси инфляциянинг энг юқори чўққиси бўйича прогнозларни эълон қилди

NUR-SULTAN. Кazinform - Энергия ресурслари ва қишлоқ хўжалиги товарлари нархларининг юқорилиги тайёр маҳсулотлар нархларининг кенг кўламда ошишига олиб келади. Бу ҳақда Қозоғистон Миллий банки раиси Ғалимжон Пирматов Ҳукуматнинг кенгайтирилган йиғилишида маълум қилди, деб хабар беради Kazinform мухбири.

«Натижада инфляциянинг глобал ўсиши кузатилмоқда, бунинг фонида дунёда пул-кредит шароитлари кескинлашмоқда. Жаҳон банки ҳисоб-китобларига кўра, инфляция жорий йилнинг ўрталарида, ИҲТТ маълумотларига кўра - 2023 йил бошида энг юқори чўққига чиқади, шундан сўнг у глобал иқтисодий ўсишнинг секинлашиши, талабнинг пасайиши ва таъминот ҳолатида яхшиланиш туфайли пасайишни бошлайди», - дейди Ғалимжон Пирматов.

Миллий банкнинг ҳисоб-китобларига кўра, жорий йилнинг иккинчи ярмида Қозоғистон иқтисодиётининг ўсиши секинлашади, лекин узоқ муддатли салоҳият даражасига яқин бўлиб қолади.

«Иқтисодиётнинг кейинги ўсиши учун асосий хавфлар Қозоғистон экспорти учун жаҳон бозорларига чиқиш имкониятларининг қисқариши ва савдо ҳамкорлари бўлган мамлакатларда иқтисодиётнинг янги шароитларга мослашиши ҳисобланади», — дея қўшимча қилди Ғ.Пирматов.

Муаллиф: Серик Сабеков