ҚР Миллий банки базавий ставка бўйича янги қарор қабул қилди

ASTANA. Kazinform – ҚР Миллий банкининг Пул-кредит сиёсати қўмитаси базавий ставкани йиллик 16,5 фоиз даражасида +/- 1 ф.п коридори билан сақлаб қолишга қарор қилди.

Миллий банк томонидан эълон қилинган расмий баёнотга кўра, йиллик инфляция март ойида 10 фоизгача тезлашган.

Йиллик инфляциянинг асосий омили хизматлар соҳасидир. Бу биринчи чоракда тартибга солинадиган тарифларнинг кутилганидан юқори ўсиши ва бозор хизматлари нархининг ошиши билан боғлиқ. Озиқ-овқат инфляциясининг улуши ойлик ва йиллик кўрсаткичлар бўйича ортиб бормоқда.

“Қозоғистон Республикаси Миллий банкининг Пул-кредит сиёсати қўмитаси базавий ставкани +/- 1 ф.п. коридори билан йиллик 16,5 фоиз миқдорида белгилашга қарор қилди”, – деб хабар беради Миллий банк.

“2025 йилнинг январь-март ойларидаги сўнгги маълумотларга кўра, иқтисодиёт ўтган йилнинг шу даврига нисбатан 5,8 фоизга ўсди. Ушбу ўсишга транспорт (21,0%), қурилиш (16,9%), ишлаб чиқариш (8,7%), тоғ-кон саноати (6,1%) ва савдо (6,3%) соҳаларидаги фаоллик сабаб бўлди.

Ички талаб инфратузилма лойиҳаларини амалга ошириш, истеъмол кредитлари, даромадларнинг ўртача ўсиши ҳисобига қўллаб-қувватланмоқда. Бироқ, биринчи чоракда истеъмол талабининг секинлашиши белгилари мавжуд. Буни чакана савдо айланмасининг 2024 йил октябрдаги 19,3 фоиздан сўнг февраль ойида 5,1 фоизгача пасайиши, шунингдек, сўровлар натижаларига кўра йирик харидлар индексининг пасайиши ҳақидаги маълумотлар ҳам тасдиқлайди”, – дейилади хабарда.