ҚР Мажилиси раиси Президентнинг анжуман иштирокчиларига табригини ўқиб берди
ASTANА. Кazinform – Қозоғистон Парламенти Мажилиси раиси Ерлан Қошанов Л.Н.Гумилев номидаги Евроосиё миллий университетида “Бердибек Сапарбаев шахси” мавзусидаги республика илмий-амалий анжуманида иштирок этди. Унга Б.Сапарбаевнинг яқинлари, ҳамкасблари ва шогирдлари, Ҳукумат аъзолари, Парламент депутатлари йиғилди.
Дастлаб Ерлан Қошанов Давлат раҳбари Қасим-Жомарт Тоқаевнинг анжуман иштирокчиларига табригини ўқиб берди.
– Бердибек Машбекули – мустақил Қозоғистоннинг шаклланиши ва ривожланишига беқиёс ҳисса қўшган йирик давлат ва жамоат арбоби. У ҳар йилларда юқори лавозимларда шараф билан ишлаб, мамлакатимиз юксалиши ва тараққиётига катта ҳисса қўшган. Бир қатор вилоятлар ва давлат органларига раҳбарлик қилиб, оқил, ишбилармон ва малакали раҳбар сифатида эътироф этилди. У халқнинг ҳурматига сазовор бўлди. Йирик шахснинг инсоний фазилатлари, касбий маҳорати, ҳалол хизмати ёш давлат хизматчилари учун ҳамиша ўрнакдир, – дейилади Президент мактубида.
Анжуманда Бош вазир ўринбосари Тамара Дуйсенова, Парламент Сенати раиси ўринбосари Жақип Асанов, Президентнинг фан ва инновациялар бўйича маслаҳатчиси Кунсулу Закария, Шарқий Қозоғистон вилояти ҳокими Ермек Кўшербаев, Қозоғистон Меҳнат Қаҳрамони Қуралай Байменова ва бошқа давлат ва жамоат арбоблари Бердибек Машбекули ҳақида сўзлаб, у ҳақдаги ёқимли хотиралари билан ўртоқлашди.
Анжуманда давлат ва жамоат арбоби ҳақидаги китоб тақдимоти ўтказилди, ибратли умр йўли ҳақида махсус тайёрланган фильм намойиш этилди.
