ҚР Ҳукумати раҳбари CITIC Construction компаниясининг биринчи вице-президенти Ян Цзяньцян билан учрашди

ҚР Ҳукумати раҳбари CITIC Construction компаниясининг биринчи вице-президенти Ян Цзяньцян билан учрашди
Фото: primeminister.kz

Қозоғистон Республикаси Бош вазири Алихан Смаиловнинг CITIC Construction компанияси биринчи вице-президенти Ян Цзяньцян билан учрашувида “Талдиқорған-Ўскемен” ва “Қарағанди-Балқаш” республика автомобил йўлларини капитал таъмирлаш масалалари муҳокама қилинди, деб хабар беради Каzinform Ҳукумат матбуот хизматига таяниб.

Ҳукумат раҳбари қайд этилган йирик лойиҳаларни ўз вақтида ва сифатли амалга оширишни таъминлаш зарурлигини таъкидлади.

“Йўл қурилиши материаллари, жумладан, шағал ва битумни келгуси мавсумдаги ишлар учун олдиндан тайёрлаш керак. Бундай ишларни субпудратчи ташкилотлар ҳам олиб бориши керак”, – дейди Алихан Смаилов.

Шу билан бирга, Бош вазир ҳайдовчилар хавфсизлигини таъминлаш учун қиш мавсумида йўлларни сақлашни назорат қилиш зарурлигини таъкидлади.

Учрашувда CITIC Construction компаниясининг Қозоғистондаги бошқа автомобиль йўллари лойиҳаларида иштирок этиш имкониятлари, шунингдек, компаниянинг саноат ва қишлоқ хўжалигида инвестиция лойиҳаларини ишга тушириш бўйича ташаббуслари муҳокама қилинди.

Тегишли лойиҳаларни ишлаб чиқишда марказий давлат органлари томонидан зарур ёрдам кўрсатилиши қайд этилди.

Сўнгги хабарлар