ҚР ФФВ жамоаси Ўзбекистонда ёнғин-қутқарув спорти бўйича жаҳон чемпионатида иштирок этмоқда

SAMARQAND. Kazinform – 2022 йилнинг 1 октябр куни Ўзбекистон Республикаси Самарқанд шаҳрида ёнғин-қутқарув спорти бўйича эркаклар ўртасида ХVII жаҳон чемпионати ва аёллар ўртасида ёнғин-қутқарув спорти бўйича VIII жаҳон чемпионатининг тантанали очилиш маросими бўлиб ўтди, деб хабар беради Кazinform ҚР Фавқулодда вазиятлар вазирлиги матбуот хизматига таяниб.

Чемпионатнинг очилишида вазир Юрий Ильин бошчилигидаги Қозоғистон Республикаси Фавқулодда вазиятлар вазирлиги делегацияси иштирок этди.

Мусобақада 11 та эркаклар жамоаси – Қозоғистон, Ўзбекистон, Беларусь, Озарбайжон, Қирғизистон, Мўғулистон, Тожикистон, Туркия Республикаси, Россия Федерацияси, Эрон Ислом Республикаси, Хитой Халқ Республикаси ва Қозоғистон, Ўзбекистон, Беларусь ва Россия Федерациясидан тўртта аёллар терма жамоалари иштирок этади.

Унда Қозоғистон шарафини жаҳон даражасидаги спортчилар ҳимоя қилади.

Чемпионат доирасида ёнғин ўчириш-қутқарув техникаларининг халқаро кўргазмаси, ёнғинларни ўчириш ва олдини олиш соҳасидаги нанотехнологиялар намойиши ҳам ташкил этилди.

Мазкур тадбирни ўтказишдан кўзланган мақсад ўт ўчирувчи-қутқарувчи касбини оммалаштириш, касбий ва спорт маҳоратини ошириш, турли мамлакатларнинг ёнғин хавфсизлиги ва қутқарув хизматлари ўртасидаги дўстона алоқаларни, ҳамкорликни мустаҳкамлаш ва халқаро миқёсда ёнғин-қутқарув спортини янада ривожлантиришдан иборат.