ҚР Энергетика вазирлиги ва Саудиянинг ACWA Power компанияси ўртасида меморандум имзоланди

NUR-SULTAN. Kazinform – ҚР Энергетика вазири Болат Ақшолақов ва ACWA Power Mohammad Abunayyan электр энергетикаси ва қайта тикланувчи энергия манбаларини ривожлантириш соҳасида икки томонлама ҳамкорлик тўғрисидаги англашув меморандумини имзоладилар.

Тадбир 24 июл куни ҚР Президенти Қасим-Жомарт Тоқаевнинг Саудия Арабистонига расмий ташрифи доирасида бўлиб ўтди, дея хабар беради Kazinform ҚР Энергетика вазирлиги расмий сайтига таяниб.

Томонлар бир қатор энергетика лойиҳаларини амалга ошириш имкониятларини ўрганиш бўйича ҳамкорликда иш олиб боришга келишиб олдилар.

Имзоланган ҳужжатда қуёш, шамол ва газ электр станцияларини қуриш ва улардан фойдаланиш бўйича ҳамкорликни ривожлантириш ҳамда инвестиция лойиҳаларини амалга ошириш йўлларига эътибор қаратилган.

Шунингдек, меморандум доирасида аккумулятор батареялари негизида электр энергиясини сақлаш тизимларини қуриш орқали энергия тизимининг иш режимларини барқарорлаштириш имконини берувчи инвестиция лойиҳалари ҳамда гидроаккумуляторли электр станцияларини қуриш, денгиз сувини шўрлантириш ва яшил водород ишлаб чиқариш бўйича бошқа энергетика лойиҳалари кўриб чиқилади ва таҳлил қилинади.

Имзолаш чоғида Болат Ақшолақов ACWA Power компанияси Қозоғистонда муқобил энергия соҳасида қўшма лойиҳаларни амалга оширишга катта қизиқиш билдираётганини таъкидлади.

Меморандум имзоланган кундан бошлаб кучга киради.