ҚР Давлат маслаҳатчиси ЮНЕСКО Бош конференциясида нутқ сўзлади
Парижда бўлиб ўтган ЮНЕСКОнинг 42-Бош конференциясининг ялпи сиёсий баҳсларида Қозоғистон Республикаси Давлат маслаҳатчиси, ЮНЕСКО ва ИСЕСКО ишлари бўйича Миллий комиссия раиси Ерлан Қарин нутқ сўзлади, деб хабар беради Kazinform Ақорда матбуот хизматига таяниб.
Ерлан Карин Қозоғистон ЮНЕСКО билан ҳар томонлама ҳамкорликни ривожлантиришга алоҳида эътибор қаратишини таъкидлади.
Давлат маслаҳатчисининг айтишича, бундай ҳамкорлик мамлакатдаги сиёсий, иқтисодий ва ижтимоий-гуманитар ислоҳотларга хизмат қилади. Делегатлар Қозоғистон Республикаси Президенти Қасим-Жомарт Тоқаевнинг Туркистонда бўлиб ўтган Миллий қурултойнинг иккинчи йиғилишида ва шу йил 1 сентябрь куни Қозоғистон халқига Мурожаатномасида тилга олинган бир қатор ташаббуслар ҳақида маълумот берилди.
– Қозоғистонда амалга оширилаётган ислоҳотлардан мақсад – таълим, фан ва маданиятни ривожлантириш орқали миллатнинг янги сифатини яратишдир, – деди Ерлан Қарин.
Давлат маслаҳатчиси ЮНЕСКО томонидан мамлакатда маданий ва табиий меросни муҳофаза қилиш, таълим, табиий-гуманитар фанлар, алоқа ва оммавий ахборот воситаларини ривожлантиришга доир аниқ лойиҳаларни амалга оширишда изчил қўллаб-қувватлаши муҳимлигини таъкидлади.
Ерлан Қарин тинчлик, барқарор ривожланиш ва маданиятлараро мулоқотни тарғиб қилувчи ташкилот минбаридан сўзга чиқиб, Қозоғистон Президенти Бирлашган Миллатлар Ташкилоти Бош Ассамблеяси сессиясида муқаддас китоблар, жумладан Қуръонни вандализмдан ҳуқуқий ҳимоя қилиш зарурлиги ҳақида баёнот берганини эслатди.
Шунингдек, “Алтин Емел” миллий боғи ва Барсакелмес қўриқхонаси ҳудудларини “Туроннинг қишки совуқ чўллари” кўпмиллатли номинациясининг таркибий қисмлари сифатида Жаҳон мероси рўйхатига киритишда кўрсатган ёрдами учун ташкилотга аъзо давлатларга миннатдорчилик билдирди.
Иқлим ўзгариши сабабларидан келиб чиқиб, Давлат раҳбари Қасим-Жомарт Тоқаевнинг 2026 йилда Қозоғистонда Бирлашган Миллатлар Ташкилоти доирасида минтақавий иқлим саммитини ўтказиш ташаббусига эътибор қаратилди.
Ерлан Қарин ўз нутқини якунлар экан, Қозоғистон ЮНЕСКО билан самарали икки томонлама ҳамкорликни янада ривожлантириш ва мустаҳкамлашга тайёр эканини таъкидлади.
