ҚР Бош вазири янги вазирни Энергетика вазирлиги жамоасига таништирди
ASTANA. Kazinform – ҚР Бош вазири Олжас Бектенов Давлат раҳбари фармони билан Энергетика вазирлигининг янги раҳбари лавозимига тайинланган Ерлан Қудайбергенович Ақкенженовни таништирди. Бу ҳақда Қозоғистон Ҳукумати матбуот хизмати хабар берди.
Олжас Бектенов Алмасадам Сатқалиевга нефть-газ, нефть-кимё саноати, энергетика соҳаларига қўшган ҳиссаси учун миннатдорлик билдириб, Қозоғистон Республикаси Атом энергияси агентлиги раиси сифатидаги фаолиятида муваффақиятлар тилади.
Янги вазирни таништириш чоғида Бош вазир Ерлан Ақкенженов энергетика, нефть-газ соҳаларида, шунингдек, нефть маҳсулотларини қайта ишлаш ва ташишда катта тажрибага эга эканлигини таъкидлади.
Бош вазир ҚР Президенти томонидан мамлакат энергетика инфратузилмасини кенг кўламда модернизация қилиш вазифаси қўйилганини таъкидлади.
Энергетика вазирлиги ходимлари ва янги вазирга стратегик аҳамиятга эга лойиҳаларни амалга ошириш, жумладан, учта ИЭМ, Екибастуз ГРЭС-3 ни қуриш, Ғарбий минтақа электр тармоқларини мамлакат энергетика тизими билан интеграциялашни якунлаш, 3 ГВт энергия қувватини ишга тушириш бўйича вазифалар юкланди.
Давлат раҳбарининг нефть-газ лойиҳаларини кенгайтириш, газни қайта ишлаш корхоналари қуриш, нефть маҳсулотлари ишлаб чиқариш лойиҳаларини ўз вақтида амалга ошириш, ички бозорни газ билан таъминлашда барқарорликни таъминлаш бўйича топшириқларини бажариш юзасидан ҳам устувор вазифалар белгилаб олинди.
