ҚР Бош вазири ўрмон ёнғинларини бартараф этишда қўшни давлатлар билан ҳамкорликни кучайтириш бўйича топшириқ берди
ҚР Бош вазири Олжас Бектенов фавқулодда вазиятлар, экология вазирликлари ва ҳокимликларга табиий ёнғинларга тезкорлик билан муносабатда бўлишда қўшни давлатлар чегара ҳудудлари хизматлари билан ўзаро ҳамкорликни кучайтириш бўйича топшириқ берди, деб хабар беради Каzinform.
“Ҳукуматлар аҳоли пунктларида ёнғинга қарши постлар ва ихтиёрий ёнғин ўчириш бўлинмаларини ташкил этиш бўйича ишларни давом эттириши керак. Бундан ташқари, ўрмон хўжалиги муассасаларини асосий ёнғинга қарши воситалар билан таъминлаш зарур. Экология вазирлиги ва маҳаллий ижро ҳокимияти органлари, аввалги ёнғинлар тажрибасини ҳисобга олган ҳолда, ёнғин хавфи юқори бўлган жойларда қўшимча кузатув пунктларини ташкил этиши лозим”, – деди Олжас Бектенов Ҳукумат йиғилишида.
Бош вазир, шунингдек, Фавқулодда вазиятлар вазирлиги ва ҳокимликлар билан биргаликда ўт ўчириш машиналари ва вертолётларда сув олиш учун сув манбалари ва сув ҳавзаларини тайёрлаш бўйича топшириқлар берди.
Фавқулодда вазиятлар, экология вазирликлари ва ҳокимликлар – табиий ёнғинларга тезкорлик билан муносабатда бўлишда қўшни давлатларнинг чегарадош ҳудудлари тегишли хизматлари билан ўзаро ҳамкорликни кучайтириши кераклигини айтди.
“Фавқулодда вазиятлар, Маданият ва ахборотлаштириш вазирликлари, ҳокимликлар аҳоли ўртасида ёнғин хавфсизлиги талабларига риоя этиш юзасидан тушунтириш ишларини кучайтириб, тегишли ўқув машғулотларини ўтказсин. Фавқулодда вазиятлар вазирлиги манфаатдор давлат органлари билан биргаликда мамлакатимизда ўрмон ва дашт ёнғинларининг олдини олиш ва уларни бартараф этиш бўйича махсус идоралараро режа ижросини ҳар куни назоратга олиши керак”, – деди Олжас Бектенов.
