ҚР Бош вазири Қозоғистон халқига мурожаат қилди

Қозоғистон Республикаси Бош вазири Олжас Бектенов ватандошларини Наврўз байрами билан табриклади, деб хабар беради Kazinform агентлиги Ҳукумат матбуот хизматига таяниб.

“Ҳурматли қозоғистонликлар! Сизларни Наврўз байрами билан чин қалбимдан табриклайман! Ушбу ёрқин баҳор ва фаровонлик байрами билан биз янги ҳаёт циклининг бошланишини нишонлаймиз. Қайта туғилиш ва янгиланиш рамзи сифатида табиатнинг уйғониш даври бизни илҳом ва уйғунликка тўлдиради. Байрам давомида қозоғистонликлар қадимий анъаналарини тиклаб, қўшниларига эътибор, ғамхўрлик ва ёрдам кўрсатишади”, – деди Олжас Бектенов.

Унинг сўзларига кўра, айни пайтда мамлакат тараққиётнинг янги босқичида бўлиб, Наврўз ўз тарихида алоҳида аҳамият касб этади. Ушбу байрамнинг саховат, фаровонлик рамзи бўлган чуқур фалсафаси кўп миллатли Қозоғистон халқи учун маънавий таркибий қисмга айланади.

“Қуёш ва илиқлик, эътиқод ва муҳаббат байрами – Наврўз байрами бугун миллий ўзликни мустаҳкамлаш, жамиятимиз бирлиги ва жипслиги рамзи бўлиб хизмат қилмоқда! Ҳар бир хонадонни тинчлик, эзгуликга тўлдирсин! Баҳор қуёшининг ёрқин нурлари билан қалбингизда севги ва умид нури порласин!” – деди Қозоғистон Республикаси Бош вазири.